Як падае прадавец, адзнака арыгінальная і паходзійць з часоў польска-савецкай вайны 1920 года і надавалася палякам, якія ваявалі разам зь беларусамі супраць палякаў. Адзнака выканана ў срэбры і эмаляваная. На накрутцы маецца адзнака гравёра T.FILIPSKI WILNO. Пагоня, вельмі падобная да тагачасных выяваў, але конь мае на нагах разарваныя ланцугі.
Падаецца, што зьяўленьне падобнай адзнакі можа стацца сэнсацыйнай знаходкай у гісторыі беларускага вайсковага руху. Яе кошт ўжо ўзьняўся ад 1 злотага да 202,5-ці (на момант напісаньня). Гэта прыкладана 65 даляраў. Хутчэй за ўсё адзнака зьвязаная са Слуцкім збройным чынам, калі існавала 1-я беларуская брыгада. Магчыма адзнаку выдалі ў Заходняй Беларусі і пазьней - у гонар угодак паўстаньня. Але...!!!!!!!!!!!!!
Застаюцца вялікія сумненьні ў арыгінальнасьці гэтай адзнакі. Калі адзнаку выконваў польскі гравёр Т.Філіпскі, (як гэта адзначана на накрутцы), дык яго ініцыялы павінны былі змешчаны і на самім знаку. Аднак, на адваротным баку адзнакі маецца кляймо з кірылічнымі літарамі "СБ"! Ці мог польскі гравёр ставіць на замову іншыя клейма? Непадобна. Магчыма, накрутка паходзіць ад іншай адзнакі, а сюды яна патрапіла выпадкова - проста падышла. (што мала верагодна, гэта толькі адна з вэрсый).
Беларускія калекцыянэры польскіх і расейскіх вайсковых адзнакаў, гледзячы на здымкі таксама мяркуюць, што беларуская адзнака выканана ня так даўно. Па іх словах, тэхніка выкананьня адзнакі і заліўка эмалі не адпавядаюць тэхналёгіі пачатку ХХ стагодзьдзя. Аднак дзяліцца падрабязнасьцямі калекцыянэры не хочуць. Па іх словах, дэталёвы аналіз падробак, палягчае працу фальшарам, якія праводзяць "працу над памылкамі" і праз нейкі час выкідаюць на рынак новыя, больш дакладныя фальшакі. (Сучасныя тэхналёгіі дазваляюць выканаць гэта). Аднак па здымку 100% гарантыі фальшаваньня ніхто даць ня можа. "Усё можа быць, але малаверагодна" - кажа адзін з экспэртаў.
Аднак нават зьяўленьне падробкі на польскім рынку узнагародаў і адзнакаў, паказвае, што беларуская гісторыя робіцца ўсё больш цікавай для нашых суседзяў. Але на жаль не для нас...
http://allegro.pl/1-brygada-front-bialoruski-1920-t-filipski-wilno-i2380981291.html
Дарэчы, ёсьць прыклад, калі звычайны значок, які прадавўася некалькі год на Ўправе БНФ, цяпер выстаўляецца на беларускім аўкцыёне, як беларускі палкавы знак пачатку 90-х.
http://ay.by/lot/polkovoj-znak-pogonya-508879886.html
